Lub caij nyoog tshiab los txais kev tuav pov hwm rau kev noj qab haus huv
Cov neeg hauv Wisconsin muaj ob txoj hauv kev mus yuav kev tuav pov hwm rau kev noj qab haus huv txij thaum Lub Ob Hlis Ntuj Tim 15, 2021 txog rau Thaum Lub Tsib Hlis Ntuj Tim 15, 2021. Tau txais tus kws tshaj lij pab dawb los xaiv thiab sau npe rau txoj phiaj xwmtuav pov hwm rau kev noj qab haus huv. Cov kws tshaj lij kev pov hwm yuav pab ua kom koj pom tias koj tsim nyog tau txais rau kev pab nyiaj los txo koj cov nuj nqis txhua hli (thiab yuav paub tias qhov twg yuav nrhiav cov kev pab cuam feem ntau zoo tshaj uas haum rau koj cov kev xav tau kev noj qab haus huv thiab nyiaj txiag). Koj tuaj yeem tham nrog tus kws tshaj lij hauv xov tooj, los xaiv chaw muab ntaub ntawv hauv online hauv qab no, los sis nrhiav cov lus teb rau cov lus nug uas nquag muaj.
Koj puas xav tau kev pab thov kev sau npe rau txoj phiaj xlwm?
Koj puas xav hloov koj txoj kev npaj phiaj xwm tam sim no?
Koj puas tau ze rau 65 xyoos los sis koj puas muaj lus nug txog Medicare?
Koj puas muaj lus nug txog koj daim ntawv thov?
Nug thiab Cov Lus Teb
Yog tias koj xaiv txoj phiaj xwm los sis hloov koj txoj phiaj xwm hauv Healthcare.gov, koj cov kev tuav pov hwm yuav pib rau thawj hnub hauv lub hlis tom ntej. Piv txwv li, yog tias koj xa koj daim ntawv thov rau thaum Lub Ob Hlis Ntuj Tim 22, koj cov kev pov hwm yuav pib rau thaum Lub Peb Hlis Ntuj Tim 1.
Vim tias coob leej neeg tau poob hauj lwm, nws muaj lub sij hawm sau npe zaum thib ob rau txij li Lub Ob Hlis Ntuj Tim 15-Lub Tsib Hli Ntuj Tim 15. Lub sij hawm muab kev sau npe tshwj xeeb no ua rau cov neeg tag nrho cov neeg hauv Wisconsin muaj lub caij nyoog dua zaum ob los nkag rau kev tuav pov hwm rau kev noj qab haus huv los sis hloov pauv qhov phiaj xwm tam sim no los ntawm Healthcare.gov. Raws li lub ntiaj teb no tseem niaj hnub tawm tsam rua tus kab mob COVID-19, qhov tseem ceeb tshaj rau txhua tus neeg yuav tsum muaj kev tuav pov hwm rau kev noj qab haus huv.
Tam sim no qhov loj tshaj plaws…. koj yuav tau muaj kev saib xyuas kev mob nkeeg. Txhua qhov phiaj xwm ivsaslas nyob rau HealthCare.gov duav tau cov kev pab tseem ceeb no: mus cuag kws kho mob, saib xyuas txhawm rau tiv thaiv, pw tsev kho mob, yuav tshuaj, saib xyuas poj niam cev xeeb tub thiab yug me nyuam, saib xyuas kaus hniav rau me nyuam yaus, pab cov mob hlwb, thiab ntau yam.
Raws li koj cov nyiaj khwv tau, tej zaum koj yuav tau kev pab nyiaj. Ntau tshaj 8 ntawm 10 leej cov neeg hauv Wisconsin tau nyiaj pab lawv qhov phiaj xwm.
Yog! Muaj kws tshwj xeeb pab koj pub dawb kom koj tuaj yeem sau koj tsab ntawv thov tiav. Hu tam sim no nrhiav ib tug uas nyob ze koj. Sib Tham Nrog Ib Tug Kws Tshaj Lij.
Koj pauv los yeej tau kawg. Yog tias koj hloov cov phiaj xwm, xyuas kom meej koj cov kws kho mob, cov tsev kho mob, cov tshuaj, thiab cov chaw muag tshuaj tseem muaj nyob hauv koj daim phiaj xwm tshiab. Muaj tus kws tshaj lij muab kev pab cuam dawb los pab ntsuam xyuas koj txoj phiaj xwm. Tham nrog tus kws tshaj lij tam sim no.
Txog Peb Cov Koom Xeeb
Peb tau tsim cov digital media toolkit (cov cuab yeej) txuas rau cov neeg Wisconsin nrog cov kws tshwj xeeb uas tuaj yeem pab lawv nrhiav cov chaw saib xyuas uas zoo tshaj plaws, tiam sis muaj peev xwm them taus. Ua tsaug uas siv qhov toolkit (cuab yeej) los txhawb qhov ivsaslas kho mob tseem ceeb.
