Slide 1
Koj txoj phiaj xwm puas tseem siv tau zoo?

Tam sim no yog ib lub sij hawm zoo heev yuav tshuaj xyuas tus nqi uas koj yuav them, kuaj xyuas koj li kev duav roos, thiab tshawb nrhiav lwm cov kev xaiv uas muaj.

previous arrowprevious arrow
next arrownext arrow
PlayPause

Kom nrhiav tau cov kev pab them qni kho mob pheej yig uas ua hauj lwm zoo rau koj yeej nyuab. Peb nkag siab. Tiam sis tsis muaj ib tug twg tsim nyog yuav ntsib teeb meem nrhiav tau cov kev kho mob uas lawv yuav tsum tau muaj thiab kho nyob rau qhov twg.

Wisconsin Lub Chaw Hauj Lwm ntawm Tus Kws Sab Laj txog Kev Tuav Pov Hwm tau tsim WisCovered.com los pab koj tshawb nrhiav koj cov kev xaiv thiab txiav txim siab kom paub meej.Ntawm no koj yuav nrhiav tau lus teb rau cov lus nug uas keev nug uas yuav pab koj nrhiav kom tau kev duav roos los sis tau txais kev pab them rau koj li kev tuav pov hwm kev noj qab haus huv, thiab cov kab txuas mus rau cov vev xaib uas ntseeg siab tau uas koj tuaj yeem tshuaj xyuas cov phiaj xwm thiab ua ntawv thov tau hauv online.Puas xav tham los ua kom tiav? Muaj kev pab ntawm kws tshaj lij pab dawb thoob plaws Wisconsin.

Pib Nqis Tes
Cov Nqe Lus Nquag Nug
Sib Tham Nrog Ib Tug Kws Tshaj Lij ​
Hais txog WisCovered

Cov Nqe Lus Nquag Nug thiab Cov Lus Teb​

Family riding bicycles

Leej Twg Thiaj Li Tau Txais Kev Tuav Pov Hwm Kev Noj Qab Haus Huv

  • Koj tuaj yeem nyob nrog koj niam koj txiv txoj phiaj xwm yog tias koj nyob hnub nyoog qis dua 26 xyoos
    • Yog tias niam txiv txoj phiaj xwm tuav pov hwm txoj kev noj qab haus huv ua tau txai rau cov neeg vam khom (los ntawm lawv txoj hauj lwm los sis ib txoj phiaj xwm ntiag tug), feem ntau koj tuaj yeem raug ntxiv rau lawv txoj phiaj xwm thiab yuav muaj nyob kom txog thaum koj muaj hnub nyoog 26 xyoo.
    • Yog tias koj niam koj txiv suav koj ua tus nyob ntawm lawv cov se, koj tuaj yeem nyob hauv lawv txoj phiaj xwm Healthcare.gov mus txog thaum koj muaj hnub nyoog 26 xyoo.
    • Kawm paub ntxiv hais txog kev nyob (los sis kev mus rau) niam txiv txoj phiaj xwm.
  • Saib seb koj puas tsim nyog tau txais BadgerCare
    • Koj tuaj yeem thov rau BadgerCare Plus tau txhua lub sij hawm. Txoj hauv kev zoo tshaj plaws kom paub seb koj puas tsim nyog tau txais yog thov. Yog tias koj yog leej niam leej txiv thov koj ntawm lawv cov se, koj yuav tsum suav lawv cov nyiaj tau los hauv koj daim ntawv thov.
    • Tshawb nrhiav seb lub khoos kas twg koj tuaj yeem tsim nyog rau: Teb ob nqe lus nug ceev nrog lub cuab yeej online
    • Yog tias koj xav thov rau koj tus kheej, mus rau ACCESS.
  • Koj tuaj yeem thov rau BadgerCare Plus txhua lub sij hawm. Qhov zoo tshaj plaws kom paub seb koj puas tsim nyog yog thov.
  • Tshawb nrhiav seb qhov kev pab cuam twg koj tuaj yeem tsim nyog rau: Teem caij rau kev pab hauv zos.
  • Yog koj xav thov ntawm koj tus kheej, mus rau ACCESS.

BadgerCare tuaj yeem rov qab mus rau hnub koj daim ntawv thov kom duav roos rau kev saib xyuas kho mob uas koj twb tau txais nyob rau hauv 90 hnub dhau los.Yog tias koj xav tau rov qab mus rau hnub koj daim ntawv thov, ua hauj lwm nrog tus kws tshaj lij los sis koj lub chaw hauj lwm IM hauv zos.

Yog koj nyuam qhuav plam koj txoj hauj lwm los sis cov sij hawm ua hauj lwm raug txiav tsawg thiab tsis muaj kev pab them nqi kho mob los ntawm lub chaw hauj lwm lawm, tej zaum koj yuav tsim nyog tau txoj kev pab them nqi kho mob ntawd mus txog 18 lub hlis. Txoj kev taug no yog hu ua COBRA. Mus Cuag Kev Pab

ObamaCare yog ib lub npe nquag siv rau hom kev pab them nqi kho mob uas muaj rau neeg muas tau ntawm tsoom fwv teb chaws lub lag luam.Koj yuav puav leej hnov hu ua HealthCare.gov.

Koj yeej thov tau txoj kev pab them nqi kho mob ntawm HealthCare.gov tam sim no los sis koj mus cuag tau kev pab tshaj lij. Nrhiav kev pab dawb.

Tej zaum koj puav leej yuav tau kev pab them rau ib kuag los sis tag nrho koj qhov nqi muas.

Muaj mob los sis raug xwm txheej uas tuaj yeem yuav muaj tus nqi kim. Txhua qhov phiaj xwm kev tuav pov hwm nyob rau HealthCare.gov duav roos: kev mus cuag kws kho mob, saib xyuas txhawm rau tiv thaiv, pw kho hauv tsev kho mob, daim ntawv sau yuav tshuaj, saib xyuas poj niam cev xeeb tub thiab yug me nyuam, saib xyuas kaus hniav rau me nyuam yaus, pab cov mob hlwb, thiab ntau yam ntxiv. HealthCare.gov cov phiaj xwm yuav tsis lees paub los sis tshem tawm koj txoj phiaj xwm vim tias muaj xwm txheej ua ntej.

Family hiking

Txoj Hau Kev yuav Rau Npe

Nyob raws li ntawm lub sij hawm ntawm lub xyoo los sis yog tias koj muaj qee yam kev hloov pauv hauv lub neej, koj tuaj yeem sau npe nkag!

Txhua tus neeg Wisconsinites tuaj yeem ncig mus saib cov kev tuav pov hwm kev noj qab haus huv txij lub Kaum Ib Hlis Tim 1 txog Lub Ib Hlis Tim 15. Lub sij hawm no yog hu ua Qhib Rau Npe Nkag (kawm ntxiv txog Qhib Rau Npe Nkag nyob rau hauv nqe lus hauv qab no).

Tom qab lub Ib Hlis Ntuj Tim 15, koj tseem tuaj yeem sau npe rau kev tuav pov hwm kho mob nrog BadgerCare Plus (Lub Xeev Wisconsin txoj kev tuav pov hwm kev noj qab haus huv) los sis Lub Sij Hawm Sau Npe Nkag Tshwj Xeeb.

Lub Sij Hawm Rau Npe Nkag Tshwj Xeeb ntawm HealthCare.gov

  • Yog tias koj tau hloov qee yam hauv koj lub neej tej zaum koj yuav muaj peev xwm sau npe rau ib txoj phiaj xwm sab nraum qhov kev Qhib Rau Npe Nkag tau.Qhov no hu ua Lub Sij Hawm Rau Npe Nkag Tshwj Xeeb. Cov tswv cuab ntawm pab pawg neeg thiab lawv tsev neeg tuaj yeem rau npe tau txhua lub sij hawm.
  • Cov kev hloov hauv lub neej muaj xws li:
    • Poob kev duav roos kev noj qab haus huv
    • Kev sib yuav
    • Tsiv mus
    • Muaj me nyuam
    • Saib cov kev hloov pauv txog lub neej uas tsim nyog tau txais ntau ntxiv
    • Yog tias koj tsev neeg cov nyiaj tau los yog qis dua 150 feem pua ntawm tsoom fwv qib kev txom nyem ($23,475/xyoo rau ib tus neeg, $48,225/xyoo rau ib tsev neeg muaj plaub leeg), koj tuaj yeem sau npe rau txoj phiaj xwm.
  • Tshawb nrhiav seb koj puas tsim nyog tau txais kev pab dawb ntawm kws tshaj lij: Teem caij ntsib kom tau kev pab dawb.
  • Yog tias koj xav thov ntawm koj tus kheej, koj tuaj yeem ua tau ua daim ntawv thov ntawm HealthCare.gov. Koj tuaj yeem sau ntawv tham nrog tus kws tshaj lij yog tias koj xav tau kev pab.

BadgerCare Plus

  • Koj tuaj yeem thov rau BadgerCare Plus txhua lub sij hawm. Qhov zoo tshaj plaws kom paub seb koj puas tsim nyog yog thov.
  • Tshawb nrhiav seb qhov kev pab cuam twg koj tuaj yeem tsim nyog rau: Teem caij rau kev pab hauv zos.
  • Yog koj xav thov ntawm koj tus kheej, mus rau ACCESS.

BadgerCare tuaj yeem rov qab mus rau hnub koj daim ntawv thov kom duav roos rau kev saib xyuas kho mob uas koj twb tau txais nyob rau hauv 90 hnub dhau los.Yog tias koj xav tau rov qab mus rau hnub koj daim ntawv thov, ua hauj lwm nrog tus kws tshaj lij los sis koj lub chaw hauj lwm IM hauv zos.

Yog! Tshawb xyuas qee yam ntawm koj cov kev xaiv hauv qab no.

Yog. Yog tias koj xav yuav txoj phiaj xwm kev tuav pov hwm kev noj qab haus huv, koj tuaj yeem yuav ib txoj phiaj xwm ncaj qha los ntawm tus neeg sawv cev rau kev tuav pov hwm.

Cov neeg sawv cev thiab cov neeg cev ncauj lus qee lub sij hawm muab kev pab ib xyoos puag ncig dawb, los pab nrog Lub Kiab Khw thiab lwm qhov kev tuav pov hwm xws li Medicare. Lawv tau ua kev cog lus los ntawm cov tuam txhab muab kev tuav pov hwm los pab koj. Lawv yuav tsum tsis txhob tsub nqi rau koj.

Yog tias koj tsis tuaj yeem xa koj daim ntawv thov ntawm HealthCare.gov, ua hauj lwm nrog cov neeg muaj ntawv tso cai thiab ntawv pov thawj yog txoj hauv kev nyab xeeb tshaj plaws los xa daim ntawv thov Healthcare.gov: 

Tau txais kev pab dawb, ntawm tus kws tshaj lij saib seb COBRA los sis ib txoj kev phiaj xwm ntawm HealthCare.gov yog qhov kev xaiv zoo tshaj rau koj.

Tus kws tshaj lij kev tuav pov hwm kev noj qab haus huv yog tus neeg uas tau kawm thiab tau rau npe nrog lub xeev Wisconsin. Qhov no suav nrog: 

  • Cov kws coj kev: muab kev pab ib xyoos puag ncig, pab dawb nrog cov phiaj xwm Medicaid, BadgerCare, thaib Marketplace. Lawv kuj tseem pab los daws cov teeb meem nrog kev pab them thiab cov nqi kho mob. Cov kws coj kev tau txais kev kawm thiab muaj daim ntawv pov thawj ntawm tsoom fwv lawm.  
  • Cov Kws Pab Tswv Yim Rau Kev Ua Daim Ntawv Thov Uas Muaj Daim Ntawv Pov Thawj (CAC): muab kev pab ib xyoos puag ncig, pab dawb nrog Medicaid, BadgerCare, thaib Marketplace. CACs tau txais kev kawm thiab muaj daim ntawv pov thawj ntawm tsoom fwv lawm. 
  • Cov neeg sawv cev thiab cov neeg muag khoom: qee lub sij hawm muab kev pab ib xyoos puag nci dawb, los pab nrog Marketplace thiab lwm qhov kev tuav pov hwm xws li Medicare. Lawv tau ua kev cog lus los ntawm cov tuam txhab muab kev tuav pov hwm los pab koj. Lawv yuav tsum tsis txhob tsub nqi rau koj.

Kev pab rau kev tuav pov hwm kev noj qab haus huv yeej ib txwm pab dawb xwb.

Txheeb xyuas kom paub tseeb tias koj ua hauj lwm nrog tus kws tshaj lij muaj ntawv tso cai.

HealthCare.gov yog lub khw muag kev tuav pov hwm kev kho mob.Kev Qhib Sau Npe yog lub sij hawm ntawm lub xyoo thaum koj tuaj yeem sau npe rau qhov kev tuav pov hwm kev noj qab haus huv.Qhib Kev Sau Npe yog txij lub Kaum Ib Hlis Tim 1 txog Lub Ib Hlis Tim 15 hauv xeev Wisconsin.

Yog! Muaj kws tshwj xeeb pab koj pub dawb kom koj tuaj yeem sau koj tsab ntawv thov tiav. Hu tam sim no nrhiav ib tug uas nyob ze koj: Nrhiav kev pab dawb.

Family with a dog

Tus Nqi Yog Li Cas

Tus nqi tuav pov hwm kev noj qab haus huv nyob ntawm tsev neeg qhov coob tsawg thiab cov nyiaj khwv tau los.Tshawb nrhiav seb koj puas tuaj yeem txuag tau nyiaj los sis tau txais kev tuav pov hwm kev noj qab haus huv nqi qis:

Tej zaum koj yuav txuag tau nyiaj ntawm koj qhov kev tuav pov hwm kev noj qab haus huv. Tej zaum koj kuj yuav tsim nyog rau lub Xeev Wisconsin txoj kev tuav pov hwm kev noj qab haus huv hu ua BadgerCare Plus.

Kev Siv los sis Kev Rov Tsim Kev Tuav Pov Hwm Dua Tshiab

Tau tshab xyuas.Kev hloov pauv ntawm txoj phiaj xwm txhua tus nqi thiab cov kev xaiv. Nws yog ib qho tseem ceeb los hloov kho koj cov ntaub ntawv.

Ua kom paub meej tias koj hloov kho koj:

  • Cov nyiaj tau los
  • Cov ntaub ntawv qhia txog tsev neeg
  • Cov ntaub ntawv tiv tauj
  • Cov kev xav kom tiv tauj

Yog tias koj cov nyiaj tau los poob qis los sis koj muaj me nyuam, tej zaum koj yuav tsim nyog tau txais kev pab nyiaj txiag ntxiv. Yog tias koj cov nyiaj tau los nce ntau ntxiv, nco ntsoov hloov kho nws.

Nco ntsoov kuaj xyuas seb koj cov kws kho mob, tsev kho mob, cov tshuaj, thiab khw muag tshuaj uas koj nyiam puas tseem muaj yog tias koj txuas ntxiv koj txuas sij hawm rau txoj phiaj xwm – qee zaum cov koom tes ua hauj lwm yuav hloov ib xyoos zuj zus.

Lub Chaw Hauj Lwm Saib Xyuas Cov Kev Pab Cuam Txog Kev Noj Qab Haus Huv

  • Ntaub ntawv hais txog kev rov txuas sij hawm dua tshiab seem dav
  • Cov kauj ruam los ua tam sim no
  • Hu rau DHS
  • Cov lus uas kheev nug

Lub Chaw Hauj Lwm Saib Xyuas Cov Kev Pab Cuam Txog Kev Noj Qab Haus Huv


Covering Wisconsin

  • Nrhiav hnub koj yuav txuas sij hawm dua tshiab
  • Ua kom tiav koj qhov kev txuas sij hawm dua tshiab thiab xa cov ntaub ntawv tuaj
  • Nrhiav lwm hom kev pab yog tias koj tsis tsim nyog ntxiv lawm
  • Sau ntawv sib tham kiag tam sim ntawd nrog tus kws tshaj lij yam tsis tau them dab tsi ntxiv

Covering Wisconsin


ACCESS thiab MyACCESS​

  • Xa koj li kev rov tsim tshiab los ntawm lub vev xaib ACCESS. Tsis tas li ntawd los koj kuj tuaj yeem siv lub app hauv xov tooj ntawm tes MyACCESS uas muaj los nrog los tswj koj cov txiaj ntsig kev pab.

Sib Tham Nrog Ib Tug Kws Tshaj Lij

Tus kws tshaj lij rau kev tuav pov hwm rau kev noj qab haus huv tuaj yeem pab koj nrhiav tau txoj phiaj xwm uas tsis kim tshaj plaws rau koj. Cov kws tshaj lij no ua hauj lwm nyob ntawm cov koom haum xws li Covering Wisconsin, cov chaw muab kev pab cuam kev noj qab haus huv hauv zej zog thiab lwm cov koom haum tsis ua lag luam. Lawv muab kev nkag txog rau txhau cov kev xaiv kev tuav pov hwm kev noj qab haus huv uas muaj rau Cov Neeg Nyob Hauv Wisconsin ntawm kev tuav pov hwm ntiag tus mus rau BadgerCare Plus. Cov kws tshaj lij kev tuav pov hwm kev noj qab haus huv tsis ua nrhiav nyiaj los ntawm kev rau koj npe rau txoj phiaj xwm.

Hu tam sim no thiab thov kev pab rau kev pab them nqi kho mob.

Statewide icon
Txhua txhia qhov chaw hauv Wisconsin
(877) 942-6837
Medicare icon
Koj Puas Muaj 65 Xyoo los sis Laus Dua los sis Xav Tau Kev Pab Thov Medicare?
1 (800) 242-1060
Statewide icon
Txhua txhia qhov chaw hauv Wisconsin
(877) 942-6837
Medicare icon
Koj Puas Muaj 65 Xyoo los sis Laus Dua los sis Xav Tau Kev Pab Thov Medicare?
1 (800) 242-1060

Marketing Workgroup Participants

Office of the Commissioner of Insurance Logo
Office of the Commissioner of Insurance
ABC for Health Logo
ABC for Health, Inc.
Common Ground Healthcare Cooperative Logo
Common Ground Healthcare Cooperative
Covering Wisconsin Logo
Covering Wisconsin
Dean Health Plan Logo
Dean Health Plan
HealthWatch Wisconsin Logo
HealthWatch Wisconsin
Milwaukee Enrollment Network Logo
Milwaukee Enrollment Network
Milwaukee Health Care Partnership Logo
Milwaukee Health Care Partnership
Next Step Insurance Logo
Next Step Insurance
Quartz Health Benefits Logo
Quartz Health Benefit Plans
Department of Health Services Logo
Department of Health Services
Lub Wisconsin Office of the Commissioner of Insurance yog qhov chaw muaj kev pab rau cov pej xeem hauv Wisconsin uas yuav tau muaj kev pab tham nrog lawv lub lag luam muag kev pov hwm pab them nqi kho mob los yog muaj lus tsis txaus siab txog lawv txoj kev pab them nqi kho mob. Ua ntawv tsis txaus siab kom tau kev pab los ntawm peb cov kws tshaj lij.
Kev Ua Ntawv Tsis Txaus Siab